ကျန်းမာရေးမိသားစု- မန္တလေး (MedicalFamily Mandalay – MFM) မန္တလေးအခြေပြု ဆေးဘက်ဆိုင် ရာ မိသားစုဝင်များ၊တိုင်းရင်းဆေးမိသားစုဝင်များနှင့် ဆေးပညာနယ်ပယ်မှ အကြမ်းမဖက် အာဏာဖီဆန်ရေးလှုပ်ရှားမှု - CDM၌ ပါဝင်သူများဖြင့် စုဖွဲ့ထားသည့် အင်အားစု တစ်ရပ် ဖြစ်သည်။
MFM သည်မတရားမှုအား ဆန့်ကျင်ကာ တန်းတူမှု၊ လွတ်လပ်မှု၊ တရားမျှတမှုအား တန်ဖိုးထားကာအမျိုးသားညီညွတ်ရေးအစိုးရ –NUG လမ်းညွှန်မှုဖြင့် စစ်အာဏာရှင်စနစ် အဆုံးသတ်ရေးအတွက် တိုက်ပွဲ ဝင်သွားမည်ဟုရည်မှန်းချက် ချမှတ်ထားသည်။
၂၀၂၁ ခုနှစ်ဖေဖော်ဝါရီ ၁ ရက် အကြမ်းဖက်စစ်အုပ်စု အာဏာသိမ်းချိန်မှစ၍ အခြားသောနိုင်ငံတက်ကြွလှုပ်ရှားသူ၊ ကျောင်းသားသမဂ္ဂများနှင့် ပူးပေါင်းကာ မန္တလေး ဆေးပညာမိသားစုဝင်များက စတင် တော်လှန် ဆန္ဒပြခဲ့သည်။ မတ် ၁၂ ရက်တွင် "အရေးတော်ပုံအောင်ရမည်" ခေါင်းစဉ်ဖြင့် CDMဝန်ထမ်းများအပေါ် အကြမ်းအမျိုးမျိုးပြ ဥပဒေမဲ့ အနိုင်ကျင့်၊ ခြိမ်းခြောက်၊ဖိနှိပ်၊ ဖမ်းဆီး၊ နှိပ်စက်၊ တရားစွဲခြင်းလုပ် ရပ်များအား ပြင်းထန်စွာကန့်ကွက်ကြောင်း "မန္တလေး ကျန်းမာရေးမိသားစု သပိတ်စစ်ကြောင်း" အနေဖြင့်ထုတ်ပြန်ခဲ့သည်။ ဆန္ဒပြမှုများ၌ ထိခိုက်ဒဏ်ရာရ၊ ကျဆုံး၊ ဖမ်းဆီးခံရသူများအားတတ်အားသမျှ ကူညီ ထောက်ပံ့မည်ဟု မတ် ၁၃ ရက်တွင် အသိပေးကြေညာချက်တစ်ရပ်ထုတ်ပြန်ခဲ့ကာ တစ်ဖက်တွင်လည်း "လူမဲ့ White Cote Revolution” များပြုလုပ်ခဲ့သည်။
မတ် ၂၇ ရက်ကမန္တလေးမြို့ပေါ်၌ ဆန္ဒထုတ်ဖော်သူများအား ကျန်းမာရေးစောင့်ရှောက်မှုပေးနေသည့်ပြင်ဦးလွင်ဆေးရုံမှ CDMဆရာဝန် ဒေါက်တာသီဟထွန်းမှာ ဒဏ်ရာရသူတစ်ဦးအား ကုသမှုပေးနေစဉ် ဦးခေါင်းကျည်ထိမှန်၍ ကျဆုံးခဲ့သည်။
CDM လုပ်ထားသည့်ဆေးပညာနယ်ပယ်မှ သူမျာအား ပုဂ္ဂလိကပိုင် ဆေးရုံ၊ ဆေးခန်းများ၌ ဆေးကုသခွင့်မပေးရန်အကြမ်းဖက်စစ်အုပ်စုက နည်းပေါင်းစုံ တားမြစ်မှုများ ရှိလာချိန်တွင် MFM အွန်လိုင်းအခြေပြု Telemedicine ၊ Teleconsultation ၊ Tele-education အစီအစဉ်များအားနိုင်ငံတကာနှင့် မြန်မာနိုင်ငံအ တွင်းရှိ အတွေ့အကြုံရှိ အထူးကုဆရာဝန်ကြီးများနှင့်ပူးပေါင်းကာ အခမဲ့ ဝန်ဆောင်မှု ပြုလုပ်ပေးခဲ့သည်။ ယင်းအစီအစဉ်များ၌ CDM လုပ်ထားသည့်ပညာသင်ယူဆဲ ဆေးပညာနယ်ပယ် ကျောင်းသားများ စဉ်ဆက် မပြတ်ပညာသင်ယူနိုင်ရေး အစီအစဉ်လည်းပါဝင်သည်။
မေ ၃ ရက်တွင်ဆေးတက္ကသိုလ် - မန္တလေး မှ CDMပါမောက္ခချုပ် ဒေါက်တာခင်မောင်လွင်အား နာယက ထာကာ ဆရာ/ဆရာမ၊ ကျောင်းသား၊ကျောင်းသားဟောင်း၊ ဝန်ထမ်းနှင့် ပြင်ပ ပညာရှင် အစုအဖွဲ့ ငါးဖွဲ့ဖြင့် ကြားကာလယာယီတက္ကသိုလ်ကောင်စီကို ဖွဲ့စည်းခဲ့သည်။ ထို့နောက် ဆေး ဝါးတက္ကသိုလ် - မန္တလေး၊သွားဘက်ဆိုင်ရာဆေးတက္ကသိုလ် (မန္တလေး)၊ သူနာပြုတက္ကသိုလ် (မန္တလေး) တို့ကလည်းယာယီတက္က သိုလ်ကောင်စီများ ဆက်တိုက် ဖွဲ့စည်းခဲ့ကာ NUG နှင့်ချိတ်ဆက်လုပ်ကိုင်မည်ဟု ထုတ်ပြန်ခဲ့သည်။
ကျန်းမာရေးမိသားစု- မန္တလေးသည် စစ်ရေးပဋိပက္ခများ ရှိသည့် ချင်း (မင်းတပ်)၊ ကရင်နီ၊ စစ်ကိုင်း(ကနီ)၊ ကချင်နှင့် မြောက်ပိုင်းဒေသများရှိ စစ်ရှောင်ပြည်သူများ ကူညီခြင်း၊အရေးပေါ်ကုသရေးအဖွဲ့များ စေလွှတ်ပေးခြင်းများအပြင် ရှေ့တန်းစစ်မြေပြင်ဆေးအဖွဲ့ (Forward Resuscitative Team) ဖြင့် ကုသမှုပေးခြင်းများ၊ စစ်မြေပြင်ကုသရေးသင်တန်း (Combat Medic Training) သင်တန်းများလုပ်ဆောင်ခဲ့သည်။
၂၀၂၁ ခုနှစ်သြဂုတ်လတတွင် NUG၊ တိုင်းရင်းသားကျန်းမာရေးအဖွဲ့များနှင့် ပူးပေါင်းကာ အမျိုးသားကျန်းမာရေးညီလာခံ (NationalHealth Conference) ကို ပြုလုပ်ခဲ့ကာ KNPP ဒုဥက္ကဋ္ဌခူဦးရယ်၊ မဲ့ဆောက်မြို့ မယ်တော်ဆေးခန်းမှ ဒေါက်တာစင်သီယာမောင်တို့ပါတက်ရောက်ခဲ့သည်။ နိုင်ငံအတွင်း ကိုဗစ်ကူးစက်မြန် ရောဂါ ဖြစ်ပွားစဉ်ကလည်းအရေးပေါ်ကုသမှုဆိုင်ရာများ မျှဝေခြင်း၊ အောက်ဆီဂျင်စက်များ ငှားရမ်းပေး ခြင်း၊စျေးကစားသည့် စီးပွားရေးလု်ပငန်းများအား သတိပေးခြင်းများ ဆောင်ရွက်ခဲ့သည်။
နွေဦးတော်လှန်ရေး၌ပါဝင်နေစဉ်အတွင်း ဆေးပညာလောကသားအချို့ ကျဆုံးမှုများ ကြုံတွေ့ခဲ့ရာ ၂၀၂၁ ခုနှစ်စက်တင်ဘာ ၂၅ ရက်က ရန်ကုန်မြို့၊ မြေနီကုန်းတံတားအဆင်းတွင် CDM ဆရာဝန်ဒေါက်တာဇင်လင်းနှင့် သူနာပြုဆရာမ မခင်ခင်ကြွယ်တို့မှာ အကြမ်းဖက်စစ်အုပ်စုပစ်ခတ်မှုကြောင့် ထပ်မံကျဆုံးခဲ့သည်။ ၂၀၂၂ ခုနှစ် မတ် ၉ ရက်ကတည်း ကယား (ကရင်နီ)ပြည်နယ် ဆောင်ဒူလာကျေးရွာတွင် ဒေသခံ ပြည်သူများအား ကျန်းမာရေးဝန်ဆောင်မှုပေးနေသည့် FreeBurma Rangers (ကရင်နီ) တပ်ဖွဲ့ဝင်လည်း ဖြစ်သူ ပဲခူးသားဖွားသင်တန်းကျောင်းဒုတိယနှစ်ကျောင်းသူ မအဲလစ္စဘတ်မှာ လေကြောင်းမှ ဗုံးကြဲတိုက် ခိုက်ခံရမှုကြောင့်ဒဏ်ရာပြင်းထန်စွာ ရရှိကာ ကျဆုံးခဲ့သည်။
MFM သည်အကြမ်းဖက်စစ်အုပ်စုဘက်က မြေပြင်သပိတ်များအား အကြမ်းဖက်ဖြိုခွင်းမှုကြောင့်အွန်လိုင်း အခြေပြုသပိတ်များအား အခြားအင်အားစုများနှင့် ပူးပေါင်းလုပ်ဆောင်းခြင်း၊ရန်ပုံငွေ ရှာဖွေ၍ ကုသရေး နှင့်လက်နက်ကိုင်တော်လှန်ရေးအင်အားစုများထံ ထောက်ပံ့မှုများအား လုပ်ဆောင်ခဲ့သည်။
၂၀၂၂ ခုနှစ်မတ် ၂၇ ရက်တွင် CDMလှုပ်ရှားမှု မြှင့်တင်ရန်နှင့် CDM များ လိုအပ်ချက်ကို ပိုမိုထောက်ပံ့နိုင် ရန်ပညာရေးမိသားစုများနှင့် စုပေါင်းကာ "CDM လှုပ်ရှားမှုနှင့်တိုက်ပွဲမြှင့်တင်ရေး ပူးပေါင်းဆောင်ရွက်မှု ကော်မီ" ကို ဖွဲ့စည်းခဲ့သည်။ MFM သည်အထွထွေသပိတ် ပေါင်းစပ်ညှိနှိုင်းရေးအင်အားစု (General Strike Coordination Body –GSCB) အဖွဲ့ဝင်လည်း ဖြစ်ကာ အဖွဲ့နှင့်အတူ ၂၀၂၂ ခုနှစ် ဧပြီ ၂၂ရက်က အကြမ်းဖက်စစ်အုပ်စု၏ အတုအယောင် ငြိမ်းချမ်းရေးဖိတ်ခေါ်မှု၊ အာဆီယံ၊ The AHA Center နှင့်နိုင်ငံတကာ အဖွဲ့အစည်းများက မြန်မာနိုင်ငံအတွက် လူသားချင်းစာနာမှုဆိုင်ရာအကူအညီများအား အ ကြမ်းဖက်စစ်အုပ်စုလက်ထဲ ထည့်ရန် စီစဉ်မှုများကိုလည်းကန့်ကွက်ရှုတ်ချခဲ့သည်။ ထို့ပြင် CDM များအပေါ် အကြမ်းဖက်စစ်အုပ်စုအလိုကျ ဖိနှိပ်နေသည့် Non CDM ဝန်ထမ်းများနှင့်ပတ်သက်၍လည်း သတိ ပေးချက်များ ထုတ်ပြန်ခဲ့သည်။
နွေဦးတော်လှန်ရေးကဏ္ဍပေါင်းစုံ၌ပါဝင်နေသည့် MFMသည်အကြမ်းဖက်စစ်အုပ်စုက ၎င်းတို့ အာဏာ တည်မြဲရေးလု်ပငန်းများဖြစ်သည့်ရွေးကောက်ပွဲကျင်းပရန် ပြင်ဆင်မှု၊ သန်းခေါင်စာရင်းကောက်ယူမှုများ၌ ပါဝင်ခြင်းမပြုလုပ်ကြရန် လူထုသို့ ပန်ကြားချက်ကိုလည်း ၂၀၂၃ ခုနှစ် ဇန်နဝါရီလအတွင်းကထုတ်ပြန်ခဲ့သည်။
MFM သည်နွေဦးတော်လှန်ရေးကြီးအတွင်း စစ်ရေးပဋိပက္ခ ဖြစ်ပွားသည့် ဒေသများအလိုက် လိုအပ်သည့်ပြည်သူ့ကျန်းမာရေးဝန်ဆောင်မှုများအတွက် ကုသရေးဝန်ထမ်းများ မွေးထုတ်ပေးခြင်း၊ရှိရင်းစွဲ ကုသရေး ဝန်ထမ်းများအား သင်တန်းများ ဆက်ပေးခြင်း၊ လိုအပ်သည့် ဆေးဝါးများကူညီခြင်းများအား ဆက်တိုက် လုပ်ဆောင်ခဲ့သည့်အပြင် NUG က ပြုလုပ်သည့်ရန်ပုံငွေ ရှာဖွေမှုများ၌ ပါဝင်ပေးခဲ့သည်။
၂၀၂၃ ခုနှစ်အောက်တိုဘာ ၂၇ ရက်က ပြုလုပ်သည့် မြောက်ပိုင်းမဟာမိတ် သုံးဖွဲ့၏ "၁၀:၂၇"စစ်ဆင်ရေး အား ထောက်ခံကြောင်းနှင့် နိုဝင်လဘာ ၂၅ ရက်တွင် အခြားသောတော်လှန်ရေးအင်အားစု မြန်မာ့ချစ်ကြည်ရေးအဖွဲ့ လေးဖွဲ့နှင့် ပူးပေါင်းကာ MNDAA ထံသို့ငွေကျပ် သိန်း ၅,၀၀၀ကျပ်အား ဒုက္ခသည်များ ကယ်ဆယ်ပေးခြင်း၊ ဒဏ်ရာရသူများအား ကုသပေးခြင်းနှင့်တိုက်ပွဲဝင်အရာရှိရဲဘော်များအတွက် ရည်ရွယ် ၍ လှူဒါန်းခဲ့သည်။
MFM သည်တရားမျှတမှု၊ လွတ်လပ်မှု၊ ညီမျှမှုများကို ကာကွယ်လိုသူတိုင်းအား အသင်းဝင်အဖြစ်ကမ်း လှမ်းထားကာ "လူတိုင်းသက်ရှည် ကျန်းမာဖို့ စစ်ကောင်စီကိုဖြုတ်ချစို့" အမည်ဖြင့် အွန်လိုင်းအခြေပြု လှုပ်ရှားမှု လုပ်ဆောင်ထားသည်။
ကိုးကား
https://medicalfamilymandalay.org/march-12-2021/
https://medicalfamilymandalay.org/latest-march-13-2021-update-1/
https://medicalfamilymandalay.org/one-of-fallen-heros-from-university-of-medicine-mandalay/
https://medicalfamilymandalay.org/tele-medicine-tele-consultation-%e1%80%94%e1%80%be%e1%80%84%e1%80%b7%e1%80%ba-tele-education/
https://medicalfamilymandalay.org/interim-medical-council-university-of-medicine-mandalay/
https://medicalfamilymandalay.org/interim-university-council-of-university-of-dental-medicinemandalay/
https://medicalfamilymandalay.org/medical-family-mandalay-is-fighting-to-take-down-military-dictatorship-in-every-possible-way-and-for-our-peoples-health/
https://medicalfamilymandalay.org/opening-remarks-of-national-health-conference/
https://medicalfamilymandalay.org/combat-medic-training/
https://medicalfamilymandalay.org/%e1%80%a1%e1%80%91%e1%80%b0%e1%80%9d%e1%80%99%e1%80%ba%e1%80%b8%e1%80%94%e1%80%8a%e1%80%ba%e1%80%b8%e1%80%81%e1%80%bc%e1%80%84%e1%80%ba%e1%80%b8%e1%80%94%e1%80%be%e1%80%84%e1%80%b7%e1%80%ba-%e1%80%9e/
https://medicalfamilymandalay.org/announce-1-2022/
https://medicalfamilymandalay.org/%e1%80%a1%e1%80%80%e1%80%bc%e1%80%99%e1%80%ba%e1%80%b8%e1%80%96%e1%80%80%e1%80%ba-%e1%80%85%e1%80%85%e1%80%ba%e1%80%a1%e1%80%af%e1%80%95%e1%80%ba%e1%80%85%e1%80%af%e1%80%80-%e1%80%96%e1%80%ad%e1%80%90/
https://medicalfamilymandalay.org/%e1%80%a1%e1%80%80%e1%80%bc%e1%80%99%e1%80%ba%e1%80%b8%e1%80%96%e1%80%80%e1%80%ba-%e1%80%85%e1%80%85%e1%80%ba%e1%80%a1%e1%80%af%e1%80%95%e1%80%ba%e1%80%85%e1%80%af%e1%80%80-%e1%80%96%e1%80%ad%e1%80%90/
https://www.facebook.com/MFMandalay/posts/pfbid023RRMTKEjgwXyhVHGCZgQjC36wvgULFL7fPQeNkcZZ7t1i8KFoSBrj2xMSBKNdSzKl
https://www.facebook.com/Kokang311/posts/pfbid02vH5PdAse2JqQ8ybf1q42iutFBrxzGhYMVaeSwxL5fdBR22hEERDG617XXxMPt1q4l
https://www.facebook.com/MFMandalay/photos/pb.100064983883326.-2207520000/545768337594629/?type=3