စစ်အာဏာရှင် ဆန့်ကျင်ရေး လူထုလှုပ်ရှားမှု (Anti-Junta MassMovement-AJMM) အား ၂၀၂၁ ခုနှစ်၊ဖေဖော်ဝါရီလ (၅) ရက်နေ့တွင် တော်လှန်သော ဒီမိုကရေစီ တပ်ဦး၊ ရန်ကုန်တက္ကသိုလ်ကျောင်းသားများ သမဂ္ဂ၊ လူ့ဘောင်သစ် လူငယ်၊ မြန်မာနိုင်ငံ အထွေထွေ အလုပ်သမားသမဂ္ဂများ အဖွဲ့ချုပ်နှင့် သွေးစည်းညီညွတ်သော သမဂ္ဂများ အဖွဲ့ချုပ် (မြန်မာ) စသည့်အဖွဲ့အစည်း (၅) ဖွဲ့ဖြင့် စတင် ဖွဲ့စည်းခဲ့သည်။

AJMM တွင် ပါဝင်သော အဖွဲ့အစည်းများမှာ တော်လှန်သော ဒီမိုကရေစီတပ်ဦး၊ ရန်ကုန်တက္ကသိုလ် ကျောင်းသားများ သမဂ္ဂ၊ လူ့ဘောင်သစ် လူငယ်၊ မြန်မာနိုင်ငံအထွေထွေ အလုပ်သမား သမဂ္ဂများ အဖွဲ့ချုပ်၊ သွေးစည်းညီညွတ်သော သမဂ္ဂများ အဖွဲ့ချုပ်(မြန်မာ)၊ မြန်မာနိုင်ငံ ကျောင်းသားလူငယ်များ ကွန်ဂရက်၊ KachinYouth Network၊ဗန်းမော်လူငယ်ကွန်ရက် (ဗန်းမော်)၊ နာဂအင်အားစု၊ ရန်ကုန်ရောက် မွန်လူငယ်များ၊ရန်ကုန်ရှမ်းလူငယ်များနှင့် ကရင်နီပြည် လူငယ်အင်အားစုတို့ပင် ဖြစ်သည်။  

AJMM ၏ လုပ်ငန်းစဉ်များမှာ

(၁) စစ်အာဏာရှင်စနစ် အမြစ်ပြတ်ချေမှုန်းရေး

(၂) ဒီမိုကရေစီ အပြည့်အဝ ရရှိရေး

(၃) ၂၀၀၈ အခြေခံဥပဒေ အပြီးတိုင် ဖျက်သိမ်းရေး

(၄) အာဏာသိမ်းစစ်တပ်က မတရားဖမ်းဆီးထားသူများအားခြွင်းချက်မရှိ ပြန်လွတ်ရေး

၂၀၂၁ ခုနှစ်၊ ဖေဖော်ဝါရီလ (၆) ရက်နေ့တွင် ရန်ကုန်မြို့၊ ပါရမီမှ လှည်းတန်းသို့ချီတက်ကာ တိုက်ပွဲကို စတင်ဖော်ဆောင်ပြီး လူထုနှင့် အတူ တိုက်ပွဲကို ဆက်လက်ဆင်နွှဲလျက်ရှိသည်။

၂၀၂၁ ခုနှစ်၊ ဖေဖော်ဝါရီလ ၁၅ ရက်နေ့တွင် CRPH မှ ဦးဆောင်ပြီး နိုင်ံရေး ဆိုင်ရာ ကိစ္စများ ဆက်လက်လုပ်ဆောင်ရန်အတွက် CRPH သို့ အိတ်ဖွင့်ပေးစာ ပို့ခဲ့သည်။ ၂၀၂၁ ခုနှစ်၊ မတ်လ ၁၂ရက်နေ့တွင် "နွေဦးတော်လှန်ရေး" အမှန်တရားများကို ထုတ်ပြန်ခဲ့သည်။ ၂၀၂၁ခုနှစ်၊ မတ်လ ၂၇ ရက်နေ့တွင် စစ်ကောင်စီလက်ပါးစေ အကြမ်းဖက်တပ်ရန်မှ ခုခံ၊ကာကွယ်နိင်ရန် နည်းဗျူဟာအကြံပြုချက် ကို ထုတ်ပြန်ခဲ့သည်။ ၂၀၂၁ ခုနှစ်၊ မတ်လ ၂၉ရက်နေ့မှ စတင်ပြီး စစ်အာဏာရှင်ဆန့်ကျင်ရေးလူထုလှုပ်ရှားမှု စာစဉ် ကို စတင်ထုတ်ပြန်ခဲ့သည်။

တော်လှန်ရေးနှင့် ဆိုင်သည့် စကားဝိုင်းများကိုလည်း ဦးဆောင်လုပ်ဆောင်ပေးခဲ့သည်။တော်လှန်ရေး နှင့် ဆိုင်သည့် ထုတ်ပြန်ကြေငြာချက်များ၊ အခွင့်အရေးနှင့် ဆိုင်သည့်ထုတ်ပြန်ချက်များကို ထုတ်ပြန်ပေးခဲ့သည်။