ဒုတိယအကြိမ် ပြည်သူ့ညီလာခံအား မတ်လအတွင်း ကျင်းပရန် ပြင်ဆင်ထားသော်လည်း ညှိနှိုင်းပြင်ဆင်မှုများ ဆောင်ရွက်ရာ၌ အချိန်လုံလောက်စွာရရှိရေးအတွက် ဧပြီ ၄ ရက်မှ၆ ရက်အထိ ပြောင်းလဲပြုလုပ်မည်ဖြစ်ကြောင်း အမျိုးသားညီညွတ်ရေးအတိုင်ပင်ခံကောင်စီ (NUCC)က မတ် ၂၈ ရက်တွင် ထုတ်ပြန်လိုက်သည်။
နွေဦးတော်လှန်ရေး (၃) နှစ်ပြည့်လူထုအစည်းအဝေး (Town-hallMeeting) ၌ ညီလာခံအား မတ်လအတွင်းကျင်းပမည်ဟု ပြည်သူလူထုထံအစီရင်ခံထားသော်လည်း ညှိနှိုင်းပြင်ဆင်ရမှုများကြောင့် ရက်ရွှေ့ပြောင်းလိုက်ခြင်းဖြစ်ကာ ညီလာခံနှင့် ပတ်သက်သည့်သတင်းအချက်အလက်များကိုလည်း ဆက်လက်အသိပေး ထုတ်ပြန်မည်ဟု NUCC ထုတ်ပြန်ချက်၌ ပါရှိသည်။