စစ်အုပ်စု ခေါင်းဆောင်နှင့် ကရင်အမျိုးသားအစည်းအရုံး (KNU) ဥက္ကဋ္ဌဟောင်းတို့ စက်တင်ဘာ ၃၀ ရက်က နေပြည်တော်၌ တွေ့ဆုံမှုမှာ အဖွဲ့အစည်းနှင့် လုံးဝ ပတ်သတ်ခြင်းမရှိကြောင်း KNU ဗဟိုဌာနချုပ် ဗဟိုအလုပ်အမှုဆောင်ကော်မတီက အောက်တိုဘာ ၂ ရက်တွင် ထုတ်ပြန်သည်။

ယင်းတွေ့ဆုံမှု၌ KNU ဥက္ကဋ္ဌဟောင်း ဗိုလ်ချုပ်ကြီး စောမူတူးစေးဖိုးအပြင် KNU-CEC ဟောင်း ပဒို စောရောဂျာခင်၊ ဒူးပလာယာခရိုင်ဥက္ကဋ္ဌဟောင်း ပဒိုစောရွှေမောင်းတို့ ပါဝင်သည်။

KNU က သြဂုတ်လ ၁၀ ရက်တွင် ပြုလုပ်ခဲ့သည့် First 100 Days : KNU IN NEW ERA သတင်းစာ ရှင်းလင်းပွဲ၌ စစ်အုပ်စုသည် နိုင်ငံရေးအရ တရားဝင်မဟုတ်သည့်အတွက် တွေ့ဆုံဆွေးနွေးရန် လုံးဝမရှိကြောင်း တရားဝင် ကြေညာထားသည်။ KNU သည် အပစ်ရပ်စာချုပ် NCA ၌ ပါဝင်လက်မှတ်ထိုးထားသည့် အဖွဲ့ဖြစ်သော်လည်း စစ်အုပ်စု အာဏာသိမ်းမှုကြောင့် NCA ပျက်ပြီဖြစ်ကြောင်းလည်း သဘောထား ထုတ်ပြန်ထားသည်။

‍