ရန်ကုန်တိုင်းအတွင်းရှိ ဝိဇ္ဇာ/သိပ္ပံ တက္ကသိုလ်နှစ်ခုတွင် "ဖက်ဆစ်ဝင်ငွေ ဖြတ်တောက် - ပြည်သူ့ဘဏ္ဍာ တည်ဆောက်" အမည်ဖြင့် "စစ်တပ်ထုတ်ကုန် သပိတ်မှောက် လှုပ်ရှားမှု" အား ကျောင်းသားများက စက်တင်ဘာ ၁၃ ရက်တွင် ပြုလုပ်ခဲ့သည်။
လှုပ်ရှားမှုပြုလုပ်ပြီး မကြာခင်ပင် အရပ်ဝတ်စစ်သားနှင့် ရဲများက ကျောင်းပရဝုဏ်အတွင်းသို့ ရောက်ရှိလာကာ စာသင်ခန်းများသို့ ဝင်ရောက်၍ တော်လှန်ရေးလှုပ်ရှားမှုများ၌ မပါဝင်ကြရန် ခြိမ်းခြောက်ဖိအားပေးမှုများ ပြုလုပ်ခဲ့သည်။
