ပြည်သူ့လွတ်လပ်ရေးအဖွဲ့/ပြည်သူ့လွတ်လပ်ရေးတပ်တော်(PeopleIndependence Organization – PIO/People Independence Army – PIA) အားရခိုင်ပြည်နယ်၊ ရက္ခိုင့်တပ်တော် (AA) ထိန်းချုပ်ရာ ဒေသတွင် စစ်ပညာသင်ကြားခဲ့သည့်ကျောင်းသားသမဂ္ဂအဖွဲ့ဝင်များ၊ CDM လှုပ်ရှားမှု၌ ပါဝင်သည့် ပြည်သူ့ဝန်ထမ်းများ၊လူငယ်တက်ကြွလှုပ်ရှားသူများ စုစည်းတိုင်ပင်၍ ၂၀၂၁ ခုနှစ် ဒီဇင်ဘာလတွင် စတင်ဖွဲ့စည်း[1] သည်။ဒီဇင်ဘာ ၆ ရက်တွင် ဗဟိုကော်မတီ[2] ကိုဖွဲ့စည်းသည်။ ဗဟိုကော်မတီ၌ ရဲဘော်မိုးနေလ၊ ကိုညီညီအောင်၊ ကိုမင်းကျော်(ပြန်ကြားရေးတာဝန်ခံ) တို့ ပါဝင်သည်။
PIA အား PIO ၏ နိုင်ငံရေးဦးဆောင်မှုအောက်တွင် ထားရှိကာ စစ်ရေးသည် နိုင်ငံရေးပြဿနာ၏ နောက်ဆက်တွဲအဖြစ်မှတ်ယူကာ အဖွဲ့၏ အခြေခံမူ ငါးချက်[3] အားတိကျစွာ ချမှတ်ထားသည်။ အခြေခံလူမှုဘဝ တရားမျှတ မှုရရှိရေးနှင့် လူမှုဘဝဖူလုံမှုရရှိသည့် ဖက်ဒရယ်ဒီမိုကရေစီနိုင်ငံတော်သစ်ကို ရှေးရှုသည်။
PIO/PIA ကြေညာစာတမ်းအရစစ်အစိုးရ၊ စစ်အုပ်စု၊ စစ်ဗျူရိုကရက်ယန္တရား ဟူသည့် စစ်သုံးစစ် တိုက်ဖျက်ရေးလမ်းစဉ်ကို လက်ခံထားကာ စစ်အာဏာရှင်စနစ်အား နည်းလမ်းအမျိုးမျိုးဖြင့်ဆန့်ကျင်တော်လှန်သည့် လူထုလူတန်းစာ အလွှာအသီးသီးရှိ လူပုဂ္ဂိုလ်၊အဖွဲ့အစည်းများနှင့် နိုင်ငံရေး၊ စစ်ရေးအရ ပူးပေါင်းမည်ဖြစ်ကာ ညီညွတ်ရေးကိုရှေးရှုသည့် တပ်ပေါင်းစုတစ်ရပ် ဖြစ်ပေါ်လာရေးကို လိုလားသည်။
PIO/PIA သည် ဗ၂၀၂၂ခုနှစ်၊ ဖေဖော်ဝါရီ ၂၀ ရက်တွင် ပြည်သူ့တော်လှန်ရေး အင်အာစု - အလယ်ပိုင်းဒေသ (PRF)၊ပြည်သူ့တော်လှန်ရေးအင်အားစု - အနောက်ပိုင်းဒေသ (PRF) တို့နှင့်ရည်ရွယ်ချက် သုံးရပ်ပါသည့် ပူးပေါင်းဆောင်ရွက်ရေးကော်မတီ[4] ကိုဖွဲ့စည်းကာ မဟာမိတ်အင်အားစုများ ကျယ်ပြန့်ရေးနှင့် ကျစ်လစ်ခိုင်မာရေးတို့အတွက်စည်းရုံးစုစည်း ဆောင်ရွက်ရန် ရည်မှန်းသည်။
၂၀၂၂ ခုနှစ်ဧပြီ ၂၂ ရက်တွင် အကြမ်းဖက်စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ကမြဝတီရုပ်သံမှ တစ်ဆင့် တိုင်းရင်းသားလက်နက်ကိုင်အင်အားစုများအား ငြိမ်းချမ်းရေးကမ်းလှမ်းမှု၊ ဒီမိုကရေစီ ဖက်ဒရယ် ပြည်ထောင်စု တည်ဆောက်ရေး ပြောဆိုမှုများသည်နွေဦးတော်လှန်ရေး၌ ပါဝင်နေသည့် အင်အားစုများအား သွေးခွဲသပ်လျှိုဖြိုခွဲခြင်းဖြစ်ကြောင်း[5] ၊ လူမျိုးပေါင်းစုံ ပြည်သူတစ်ရပ်လုံး လိုလားချက်ဖြစ်သည့် ဖမ်းဆီးခံခေါင်းဆောင်နှင့် နိုင်ငံရေးအကျဉ်းသားများအားလုံး၊ ပြည်သူအားလုံးအားချွင်းချက်မရှိ လွှတ်ပေးရန်၊ နေရာဒေသအသီးသီး၌ စစ်ရေးပြင်ဆင်မှု၊ ထိုးစစ်ဆင်မှု၊နယ်မြေရှင်းလင်းမှုများ၊ အကြမ်းဖက်သတ်ဖြတ်မှုများအား လုံးဝရပ်စဲရမည်ဟုပူးပေါင်းဆောင်ရွက်ရေးကော်မတီအနေဖြင့် သဘောထား ထုတ်ပြန်ခဲ့သည်။
၂၀၂၃ ခုနှစ်ဇွန် ၁၀ ရက်တွင် အရှိုချင်းကာကွယ်ရေးတပ် (ACDF) နှင့်မဟာမိတ်အဖြစ် ပူးပေါင်းကြောင်း[6] ထုတ်ပြန်ကြေညာသည်။
အစောပိုင်းကာလများ၌စစ်ရေးနှင့် သက်ဆိုင်သည့် သတင်းများအား ထုတ်ပြန်ခြင်း မရှိသော်လည်း ၂၀၂၃ ခုနှစ်ဇွန် ၂၄ ရက်တွင် အဖွဲ့၏ လူမှုကွန်ရက်စာမျက်နှာမှတစ်ဆင့် စတင်ထုတ်ပြန်မှုများပြုလုပ်သည်။ တပ်တော်အား ရခိုင်ပြည်နယ်နှင့် ကရင်နီပြည်နယ်တို့တွင်စစ်ဒေသနှစ်ခုခွဲ၍ လက်နက်ကိုင်တိုက်ပွဲများ ဖော်ဆောင်ခဲ့သည်။ ရှမ်းပြည်နယ်၊ဖယ်ခုံမြို့နယ်တွင် အကြမ်းဖက်စစ်အုပ်စု၏ တပ်မ (၆၆) လက်အောက်ခံ တပ်များနှင့်တော်လှန်ရေးအင်အားစုပူးပေါင်းတပ်များ တိုက်ပွဲတွင် PIO/PIA သည် DMO Local-PDFs စစ်ကြောင်းနှင့်အတူပူးတွဲ တိုက်ခိုက်[7] ခဲ့သည်။ထို့နောက် ကရင်နီပြည်နယ် အခြေစိုက် တော်လှန်ရေးအင်အားစုများနှင့် ပူး ပေါင်းကာဖရူဆို၊ ဘော်လခဲမြို့နယ်များ၌လည်း အကြမ်းဖက်စစ်အုပ်စုအား တိုက်ခိုက်ခဲ့သည်။ ၂၀၂၄ခုနှစ် ဧပြီလ ၁၀ ရက်က ရခိုင်ပြည်နယ်၊ အမ်းမြို့နယ်တွင် ပြုလုပ်သည့် မဟာမိတ်များ၏စစ်ဆင်ရေးများ၌ ပူးပေါင်း ပါဝင် တိုက်ခိုက်ခဲ့သည်။
လက်ရှိတွင် PIA သည် စစ်သင်တန်းအပတ်စဉ် သုံးခုအထိ ပြီးပြီး ဖြစ်ကာ အကြမ်းဖက်စစ်အုပ်စုက အဓမ္မစစ်မှုထမ်းဥပဒေပြဌာန်းကျင့်သုံးလာသည့်အခါ ၂၀၂၄ ခုနှစ် ဖေဖော်ဝါရီ ၁၁ ရက်တွင်"အကြမ်းဖက်စစ်တပ်ထဲ ဝင်မလား၊ ပြည်သူချစ်သောတော်လှန်ရေးအဖွဲ့ထဲ ဝင်မလား" အမည်ဖြင့် အပတ်စဉ် (၄)အတွက် ထပ်မံ ခေါ်ယူ[8] သင်တန်းပေးလျက် ရှိသည်။ အပတ်စဉ်တစ်ခုလျှင် တပ်သားသစ် ၁၀၀ ခန့် [9]ဖြင့်ပြုလုပ်ထားရာ အင်အား ရာဂဏန်းနှင့်ချီ ရှိသည်။
အလံတော် - https://www.facebook.com/peopleindependencearmy/posts/pfbid08EW9uCBcYCD9iE4DKutgxnbAR4L1HSSb96v4yBo4tm6MgpKgtUeSWMLVbYSoxPrNl
[1] https://www.rfa.org/burmese/multimedia/rakhine-people-independence-army-03052023112154.html
[2] https://yktnews.com/2023/02/88326/
[3] https://www.facebook.com/photo/?fbid=114965614416949&set=pb.100077480495211.-2207520000
[4] https://www.facebook.com/peopleindependencearmy/posts/pfbid08244G69JhjC5rk6LuTGFLVL7RYXAZPFZGQmtVUA8ykPnaRsm1nXMTHsBfACsJE9Hl
[5] https://www.facebook.com/photo/?fbid=140661505180693&set=a.103117072268470
[6] https://www.facebook.com/peopleindependencearmy/posts/pfbid0gC8JF5JMkiHJYSPohkbQwyD9XXhQLEow6JNPjtmYXsG17HxNQf3JwTJfAp7tnXK1l
[7] https://www.facebook.com/photo/?fbid=289496736976341&set=a.249731497619532
[8] https://burma.irrawaddy.com/article/2023/10/13/375375.html
[9] https://www.facebook.com/MizzimaDaily/photos/a.320351647999747/5770754762959381/?type=3
