Kachin State Civilian Movement – KSCM ပင်မသပိတ်ကော်မတီ ကို ၂၀၂၁ ခုနှစ်၊ ဖေဖော်ဝါရီလ ၈ ရက်နေ့တွင် ဖွဲ့စည်းခဲ့သည်။

KSCM ပင်မသပိတ်ကော်မတီ၏ ဆောင်ပုဒ်များမှာ“စစ်အာဏာရှင်စနစ် မုချကျဆုံးရမည်။ ဒီမိုကရေစီအပြည့်အဝ ရရှိရမည်။ ပင်လုံစာချုပ်ကို အခြေခံသော ဖက်ဒရယ်ဒီမိုကရေစီ ပြည်ထောင်စု ပေါ်ပေါက်လာရမည်” ဟူ၍ ဖြစ်သည်။

KSCM သည် ဖက်ဆစ်စစ်တပ်ကို အဆုံးထိတိုက်သွားနိုင်ရန်အတွက် အမိကချင်ပြည်ဖိနှိပ်ခံပြည်သူများ၏ဘုံရန်တူဖြစ်သည်သာမက ပြည်ထောင်စု၏ဘုံရန်တူဖြစ်သော မြန်မာဖက်ဆစ်စစ်တပ်ကိုအမြစ်ပြတ်ကာအဆုံးထိချေမှုန်းနိုင်ဖို့ ဖိနှိပ်ခံပြည်သူများ၏တော်လှန်ရေးတိုက်ပွဲအရှိန်ကို အဆုံးတိုင် မြှင့်တင်ရန်အချိန်ကျရောက်နေပြီဖြစ်ပါသည်။ ဖက်ဆစ် စစ်တပ်ကို အမြစ်ပြတ်ချေမှုန်းနိုင်ဖို့အကြမ်းမဖက်ဖိနှိပ်ခံလူထုသပိတ် တိုက်ပွဲအရှိန်မြှင့်တင်ခြင်း၊အာဏာဖီဆန်ရေးလှုပ်ရှားမှု အရှိန်မြှင့်တင်ခြင်း၊စစ်တပ်အကျိုးစီးပွားနှင့်ခရိုနီအကျိုးစီးပွားကို အထောက်အကူပြုနေသောကုန်ပစ္စည်းများကို သပိတ်မှောက်ခြင်း၊ စစ်တပ်ကိုထောက်ပံ့နေသော နိုင်ငံများကိုဖိအားပေးရပ်တန့်စေခြင်း၊ လက်နက်ကိုလက်နက်ခြင်းခုခံတွန်းလှန်သည့် လှုပ်ရှားမှုများ တွင်စနစ်တကျအစီအမံများချမှတ် သွားမည်ဖြစ်သည်။

KSCM သည် ဖိနှိပ်ခံပြည်သူများလွတ်မြောက်ရေး တိုက်ပွဲကို ပျက်စီးစေသော ဖက်ဆစ်စစ်တပ်နှင့် ညှိနှိုင်း စေ့စပ်ရေးလမ်းစဉ်များ၊၂၀၀၈ ခြေဥအောက် ပြန်ခိုလှုံသည့် လမ်းစဉ်များ၊ ကချင်ပြည်သူများ၏ အိပ်မက်ဖြစ်ပြီး ပင်လုံကတိကဝတ်ကိုအခြေခံသော အမျိုးသား တန်းတူရေး၊ ဒီမိုကရေစီရေးနှင့် ကိုယ့်ကံကြမ္မာ ကိုယ်ဖန်တီးခွင့်ကိုအာမခံချက်မရှိသည့် လမ်းစဉ်များကို ပြင်းပြင်ထန်ထန် ဆန့်ကျင်သည်။

KSCM သည် ကချင်ပြည်သူများ၏အိပ်မက်ဖြစ်သော စစ်အာဏာရှင်နှင့်တကွ၊ အာဏာရှင်စနစ်များ ထာဝစဉ် ကျဆုံးရေး၊ အမျိုးသားတန်းတူရေး၊ဒီမိုကရေစီရေး၊ ကိုယ့်ကံကြမ္မာကိုယ်ဖန်တီးခွင့်၊ ဖိနှိပ်ခံပြည်သူများ လွတ်မြောက်ရေးအတွက် အဆုံးတိုင် တိုက်ပွဲဝင်မည် ဖြစ်သည်။

KSCM သည် လူထုစည်းရုံးရေး လှုပ်ရှားမှုများ၊ကချင်ပြည်နယ် တကျော့ပြန်စစ်ဖြစ်သည့်နေ့ လှုပ်ရှားမှုများ၊ စစ်ကောင်စီက ကျင်းပမည့် ရွေးကောက်ပွဲမဖြစ်မြောက်ရေး လှုပ်ရှားမှုများ၊ သပိတ်လှုပ်ရှားမှုများတွင် ဆက်တိုက် ပါဝင်လှုပ်ရှားနေသည်။