အကြမ်းဖက်စစ်အုပ်စု လုံခြုံရေးတင်းကြပ်ထားသည့် ရန်ကုန်မြို့တွင် လူထုသပိတ်တိုက်ပွဲများ ပြန်လည် စတင်လာပြီ ဖြစ်ကာ နိုဝင်ဘာ ၂၅ ရက်က စစ်အာဏာရှင်ဆန့်ကျင်ရေး ရန်ကုန်အင်အားစုနှင့် သပိတ်အင်အားစုများ ပူးပေါင်း၍ သပိတ်တိုက်ပွဲ ဆင်နွှဲခဲ့သည်။
ယင်းသပိတ်တိုက်ပွဲ၌ ဦးဆောင်ပါဝင်သူ ကိုနန်းလင်းက သပိတ်အတွင်း လက်ရှိ နွေဦးတော်လှန်ရေး အခြေအနေများအား ပြည်သူလူထုထံ အကျဉ်းချုံး အစီရင်ခံဟောပြောခဲ့ရာ ရန်ကုန်မြို့ခံများလည်း သပိတ်၌ ပါဝင်ခဲ့ကြသည်။ သပိတ်လှုပ်ရှားမှုအပြီး အ ကြမ်းဖက်စစ်အုပ်စုက ယင်း သပိတ်ပြုလုပ်သည့် နေရာအနီးမှ စျေးအား ဖျက်ဆီးခြင်း၊ အရပ်သားများအား ရန်ရှာ ဖမ်းဆီးမှုများကို ဆက်တိုက်ကျူးလွန်လျက် ရှိသည်။
