မုံရွာ လူထုသပိတ်တိုက်ပွဲ ဦးဆောင်ကော်မတီဝင်များ၊ ယင်းမာပင်-ဆားလင်းကြီး ကျေးရွာပေါင်းစုံ လူထုသပိတ်တိုက်ပွဲ ဦးဆောင်ကော်မတီဝင်များနှင့် စစ်ကိုင်းတိုင်းဒေသကြီး လွှတ်တော်ကိုယ်စားပြုကော်မတီ (CRSH) တို့ စစ်ကိုင်းတိုင်းအတွင်း စက်တင်ဘာ ၂၈ ရက်က တွေ့ဆုံခဲ့သည်။
တွေ့ဆုံမှုအတွင်း စစ်ကိုင်းတိုင်းအတွင်းရှိ သပိတ်အင်အားစုများအားလုံး တွေ့ဆုံရေး၊ ကြားကာလ အစီအမံများ ရေးဆွဲရာ၌ အင်အားစုများ စုံညီစွာ ပါဝင်နိုင်ရေး၊ နိုင်ငံရေး ဖြစ်ပေါ်တိုးတက်မှုဖြစ်စဉ်များ၌ ပါဝင်သင့် ပါဝင်ထိုက်သည့် အင်အားစုများ ရာခိုင်နှုန်းအချိုးတူ ပါဝင်နိုင်ရေးအပြင် သပိတ်ကော်မတီများ ကြုံတွေ့နေရသည့် မြေပြင်အခြေအနေနှင့် အခက်အခဲများအား ဆွေးနွေးခဲ့သည်။