မုံရွာထောင်တွင်းရှိ နိုင်ငံရေးအကျဉ်းသားများ အစာငတ်ခံ သပိတ်တိုက်ပွဲ ဆင်နွှဲမှုအား ထောင်အာဏာပိုင်များက စက်တင်ဘာ ၁၃ ရက် နေ့လယ်ပိုင်း၌ လိုက်လျော လက်ခံလိုက်ရပြီ ဖြစ်သည်။
နိုင်/ကျဉ်းများက အကျဉ်းသားတစ်ဦးလျှင် ခွင့်ပြုထားသည့် စာအုပ်သုံးအုပ်စီအား သိမ်းဆည်းထားမှု ပြန်ပေးရန်၊ ပုံစံ သုံးစုံစီ ခွင့်ပြုထားပါလျက် သိမ်းဆည်းထားမှုအား ပြန်ပေးရန်၊ သိမ်းဆည်းသွားသည့် စားအိုးစားခွက်/ အစားအသောက်နှင့် ဟင်းများ ပြန်ပေးရန်၊ အကျဉ်းသားတစ်ဦးလျှင် စာ ၁၀ စောင်/ပုံ ၁၀ ပုံ ခွင့်ပြုထားလျက် သိမ်းဆည်းသွားသည်များကို ပြန်ပေးရန် နိုင်ကျဉ်း ၅၀ ကျော်က အစာငတ်ခံဆန္ဒပြခဲ့ခြင်း ဖြစ်သည်။
အဆိုပါ ထောင်တွင်းအစာငတ်ခံ ဆန္ဒပြပွဲအား စက်တင်ဘာ ၈ ရက်တွင် စတင်ခြင်းဖြစ်ကာ ထောင်ပြင်ပရှိ နိုင်ငံရေးအင်အားစုများကလည်း ဝိုင်းဝန်းခဲ့ကြသည်။