တူညီသောပန်းတိုင်အတွက် ရန်ကုန်အခြေစိုက် ရန်ကုန်တော်လှန်ညီနောင်လေးဖွဲ့နှင့် ရန်ကုန်ဒရုန်းတို့အကြား တော်လှန်ရေးပြီးမြောက်ကာ ပြန်လည်ထူထောင်ရေးကာလအထိ ပြည်သူ့အကျိုးအတွက် မဟာမိတ်အဖြစ် အတူလက်တွဲမည် ဖြစ်ကြောင်း မတ် ၂၂ ရက်တွင် ထုတ်ပြန်လိုက်သည်။

ရန်ကုန်တော်လှန်ညီနောင်လေးဖွဲ့၌ Kyimyindaing Networks (KMD18)၊ Mayangone Democratic Front (MDF)၊ Owl Community နှင့် Linn Yaung Ni Youth Organization (LYNYO) တို့ ပါဝင်ကာ လက်ရှိတွင် ရန်ကုန်မြို့ပြ၌ စစ်အာဏာရှင်ဆန့်ကျင်ရေးဆန္ဒပြလှုပ်ရှားမှုများအား ဆက်တိုက်ပြုလုပ်လျက်ရှိသည့် သပိတ်အင်အားစုလည်း ဖြစ်သည်။